- Auglýsing -

Neikvætt hraðpróf og 500 manns á Hafnarfjarðarslag

Rauða spjaldið sem FH-ingurinn Ágúst Birgisson fékk í leiknum við Selfoss á dögunum hefur verið dregið til baka. Mynd/J.L.Long

FH-ingar ætla að opna Kaplakrika á morgun, miðvikudag, fyrir allt að 500 áhorfendur þegar Hafnarfjarðarslagur FH og Hauka í Olísdeild karla fer fram. Skilyrði fyrir aðgangi þeirra sem fæddir eru 2015 og fyrr er a.m.k. 48 klukkustunda gamalt neikvætt skyndipróf (antigen) vegna kórónuveirunnar, að sögn Sigurgeirs Árna Ægissonar, framkvæmdastjóra handknattleiksdeildar FH.

Opið verður eitt 500 manna hólf í Kaplakrika.


Miðasalan fer fram á appinu Stubbur. Flautað verður til leiks klukkan 19.30 annað kvöld. Hafnarfjarðarslagur FH og Hauka er ævinlega einn af hápunktum hvers keppnistímabils í Olísdeildinni.

„Til viðbótar verðum með 50 manna iðkendahólf, þar þarf ekki hraðpróf, en allir venjulegir áhorfendur eldri en sex ára fara í 500 manna hólfið og þurfa að framvísa hraðpróf,“ sagði Sigurgeir Árni Ægisson, framkvæmdastjóri handknattleiksdeildar FH.

- Auglýsing -
- Auglýsing -

Nýjustu fréttir

- Auglýsing -