Frakkar fagna sigri á EM á heimavelli fyrir tveimur árum. Mynd/EPA

Formaður danska handknattleikssambandsins, Per Bertelsen, hefur boðað stjórn sambandsins til neyðarfundar í fyrramálið klukkan 11 að staðartíma. Þar verður tekin afstaða til þess hvort Danir gefi mótahald EM upp á bátinn eða bíði áfram eftir svörum frá yfirvöldum í Danmörku hvort heimild fáist til að Danir taki að sér að halda EM kvenna í handknattleik sem á að hefjast 3. desember.


Bertelsen sagði í morgun að þolinmæði sín eftir bið við svörum frá dönskum yfirvöldum væri að bresta. Bertelsen var síst léttari á brún síðdegis þegar TV2 náði af honum tali. Þar sagðist hann hafa boðið til fundarins.

Svara hefur verið beðið frá yfirvöldum síðan á fimmtudaginn. Allt annað varðandi yfirtöku Dana á mótshluta Noregs er komið fyrir vind, að sögn Bertelsen. Hann segist ekki átta sig á hvað standi í yfirvöldum. Reglur um sóttvarnir í kringum væntanlegt mót verði strangari en gerist og gengur almennt í dönsku samfélagi um þessar mundir. Reglurnar muni gilda fyrir alla þá sem taka þátt í mótinu, jafnt utan vallar sem innan.

- Auglýsing -

Nýjustu fréttir

Vængirnir höfðu lítið upp í krafsinu á Selfossi

Ungmennalið Selfoss vann í kvöld annan leik sinn er þeir lögðu Vægni Júpíters í Hleðsluhöllinni á Selfossi, 29:21, eftir að hafa verið...

Víkingar gerðu strandhögg í Dalhúsum

Víkingar gerðu sér lítið fyrir og skelltu eina taplausa liði Grill 66-deildar karla í handknattleik, Fjölni, í kvöld í Dalhúsum í Grafarvogi,...

Kría gerði usla í Kórnum

Leikmenn Kríu gerðu heldur betur usla í toppbaráttu Grill 66-deildar karla í handknattleik í kvöld þegar þeir lögðu HK, 25:23, á heimavelli...
- Auglýsing -