Nína Líf Ólafsdóttir mætir galvösk til leiks með Gróttu á næsta keppnistímabili. Mynd/Grótta

Nína Líf Ólafsdóttir hefur framlengt samning sinn við handknattleiksdeild Gróttu til næstu tveggja ára.


Nína Líf, sem er 25 ára gömul, er á sínu öðru ári með Gróttu og er uppalin á Nesinu en hún gekk til liðs við Gróttu frá Aftureldingu árið 2019. Áður var Nína hjá Val um skeið. Á síðasta tímbili var Nína mikilvægur hlekkur í liði Gróttu en hún lék 16 leiki og skoraði 87 mörk. Nína hefur hins vegar ekkert spilað á yfirstandandi tímabili en hún eignaðist son snemma á þessu ári.


„Það eru mikil gleðitíðindi að svona reynslumikill leikmaður eins og Nína er framlengi við Gróttu og mun hún styrkja liðið mikið fyrir komandi átök,” segir í tilkynningu handknattleiksdeildar Gróttu af þessu tilefni.

- Auglýsing -

Nýjustu fréttir

- Auglýsing -