Sigvaldi Björn Guðjónsson nýtti öll sín skot til þess að skora mörk þegar lið hans Vive Kielce vann Zaglebie Lubin, 44:23, í pólsku 1. deildinni í handknattleik karla í dag. Þetta var átjándi sigurleikur Vive Kielce í deildinni á leiktíðinni og hefur liðið yfirburði sem fyrr og er lang efst.
Kielce var með 13 marka forksot að loknum fyrri hálfleik, 23:10. Viðureignin fór fram í Kielce.
Sigvaldi Björn skoraði fimm mörk og virðist hafa leikið stóran hluta leiksins því hann skoraði jafnt í fyrri hálfleik sem þeim seinni. Oft hefur leiktímanum verið skipt jafnt á milli Sigvalda og samherja hans í vinstra horninu og þeir leikið hvor sinn hálfleikinn.
Artsem Karalek og Arkadiusz Moryto voru markahæstir hjá Kielce með sex mörk hvor.