Níu marka tap fyrir Póllandi

U16 ára landslið kvenna við brottför frá Keflavík. Efri röð: Ingunn María Brynjarsdóttir, Ásrún Inga Arnarsdóttir, Kristbjörg Erlingsdóttir, Guðrún Hekla Traustadóttir, Dagmar Guðrún Pálsdóttir, Rakel Ágústsdótttir, Eva Gísladóttir, Elísabet Millý Elíasardóttir, Ágústa Rún Jónasdóttir. Neðri: Lydía Gunnþórsdóttir, Arna Karitas Eiríksdóttir, Herdís Eiríksdóttir, Ester Amíra Ægisdóttir, Sólveig Þórmundsdóttir, Þóra Hrafnkelsdóttir, Alexandra Ósk Viktorsdóttir.

U16 ára landslið Íslands tapaði fyrir Póllandi með níu marka mun, 21:12, í síðustu umferð riðlakeppni Opna Evrópumótsins í handknattleik í Gautaborg í morgun. Þetta var annað tap liðsins í þremur viðureignum en einum leik lauk með jafntefli, 20:20, við Noreg.


Ljóst er þar með að íslenska liðið leikur um 13. til 17. sæti mótsins á morgun. Síðari í dag þegar keppni verður lokið í öllum riðlunum fjórum, liggur fyrir hvaða liði íslensku stúlkurnar mæta í krossspili í fyrramálið. Eina sem er víst að andstæðingurinn verður liðið sem hafnar í fjórða sæti A-riðils.


Pólska liðið náði strax undirtökum í leiknum í morgun og var með fjögurra marka forskot þegar fyrri háfleikur var að baki, 9:5. Í síðari hálfleik breikkaði bilið á milli liðanna.

Alexandra Ósk Viktorsdóttir, Dagmar Guðrún Pálsdóttir og Annu Karítas Eiríksdóttir. Mynd/HSÍ


„Stelpurnar áttu ágætis spretti í vörninni og var markvarslan mjög góð eins og í hinum leikjunum, það var hins vegar slakur sóknarleikur sem varð liðinu að falli líkt og í síðasta leik,“ segir m.a. í umsögn um leikinn á vef HSÍ.


Mörkin skoruðu: Dagmar Guðrún Pálsdóttir 5, Alexandra Ósk Viktorsdóttir 3, Kristbjörg Erlingsdóttir 1, Ester Amíra Ægisdóttir 1, Anna Karítas Eiríksdóttir 1, Guðrún Hekla Traustadóttir 1.

Varin skot: Ingunn María Brynjarsdóttir 8, 33%.

- Auglýsing -

Nýjustu fréttir

- Auglýsing -