Nokkur handtök eftir áður en flautað verður til leiks

Frágangi er ekki að fullu lokið utandyra á keppnishöllinni í Búdapest. Mynd/Aðsend

Framkvæmdir eru langt komnar við nýju íþróttahöllina í Búdapest í Ungverjalandi sem íslenska landsliðið mun leika í á Evrópumeistaramóti karla í byrjun næsta árs. Rúmir tveir mánuðir eru þangað til verktakinn á að skila af sér mannvirkinu fullbúnu. Keppnishöllin verður hin glæsilegasta og fullkomnasta í alla staði og á m.a að rúma 20.022 áhorfendur í sæti.


Auk leikjanna í riðli Íslands þar sem landslið heimamanna á einnig sæti til viðbótar við landslið Portúgals og Hollands verða leikir í einum millriðli mótsins í keppnishöllinni auk leikjanna um verðlaunin á lokahelginni 28. – 30. janúar.


EM í Ungverjalandi hefst 13. janúar m.a. með viðureign Ungverja og Hollendinga í þessari glæsilegu keppnishöll. Þess má geta að Eyjamaðurinn Erlingur Richardsson er landsliðsþjálfari Hollands.


Hér fyrir neðan eru nokkrar myndir sem teknar voru í vikunni í keppnishöllinni þegar hún var sýnd nokkrum forsvarsmönnum þeirra landa sem senda lið til leiks á HM í janúar.

Úr einum af búningsherbergjunum.
Á þessi svæði eiga nokkur hundruð Íslendinga frátekna miða á leiki Íslands gegn Ungverjum, Hollendingum og Portúgölum á EM í janúar.
Á þessu svæði er gert ráð fyrir að fjölmiðlamenn eigi að ná viðtölum við leikmenn og þjálfara að leikjum loknum.
Ennþá eru nokkur handtök eftir áður vinnustaða fjölmiðlamanna verður opnuð en hún að verða hér.
- Auglýsing -

Nýjustu fréttir

- Auglýsing -