Norska landsliðið í einangrun yfir jólin gangi vel á EM

Þórir Hergeirsson, landsliðsþjálfari Noregs stefnir á verðlaunasæti á EM eins venjulega. Mynd/EPA

Miðað við þær sóttvarnareglur sem gilda í Noregi þá verða jólin með öðrum hætti en áður hjá leikmönnum, þjálfurum og starfsmönnum norska landsliðsins í handknattleik kvenna, en þeir eiga að venjast. Gangi það eftir að Danir taki að sér að halda EM kvenna þá verður fyrrgreindur hópur að dvelja í sóttkví eða einangrun yfir jólin ef norska landsliðið fer í undanúrslit eða í úrslit mótsins. Fari leikmenn á annað borð til Noregs að mótinu loknu en margir landsliðsmanna leika með félagsliðum utan fósturjarðarinnar.

Frá þessu greinir TV2 í Danmörku í morgun. Danmörk er skilgreint sem rautt svæði í Noregi vegna kórónuveirusmita. Allir þeir sem koma til Noregs frá rauðum svæðum heimsins verða að fara í tíu daga eingangrun. Það þýðir að ljúki mótinu 20. desember og norska landsliðið fari heim 21. þá lýkur hópurinn sóttkví á gamlársdag nema að ástandið skáni verulega í Danmörku á næsta mánuði.

Sætta sig við stöðuna


Fjórir leikmenn norska landsliðsins búa þegar í Danmörku þar sem þeir leika með dönsku félagsliðum. Línumaðurinn, Sanna Solberg, sem leikur með Team Esbjerg, segist verða að sætta sig við að geta ekki varið jóladögunum með sínum nánustu. Hún muni vissulega sakna þess. „Auðvitað vonar maður að staðan verði betri þegar kemur nærri jólum en sannarlega er betra vera á sínu heimili í Danmörku yfir jólin en í eingangrun á hóteli í Noregi.

FaceTime um jólin

Haft er eftir Noru Mørk, helstu stjörnu norska landsliðsins, að hún ætli ekki að láta þessar reglur stöðva sig í að taka þátt í EM og ná eins langt á mótinu með norska landsliðinu og hægt er. Hún segir fjölskyldu sína standa fullkomlega við bakið á sér. Mörk býr í Noregi og leikur með Vipers Kristiansand og má þar af leiðandi vera í einangrun í eigin íbúð en vitanlega ekki umgangast neinn. „Ef ég verð að vera ein yfir jólin og halda jólin með fjölskyldunni í gegn FaceTime þá tek ég því.“

Þórir í einangrun

Sömu reglur munu gilda um Íslendinginn Þóri Hergeirsson, landsliðsþjálfara Noregs, og Mörk, verði Danmörk enn skilgreint rautt svæði þegar EM verður að baki.

Sem kunugt er gaf norska handknattleikssambandið það frá sér í gær að verða annar gestgjafi EM sem hefst 3. desember og stendur til 20. sama mánaðar. Niðurstaða liggur fyrir í dag hvort danska handknattleikssambandið sér alfarið um mótið eða gefur það upp á bátinn.

- Auglýsing -

Nýjustu fréttir

- Auglýsing -