Oddur átti stórleik í sigri á landsliðsþjálfaranum

Oddur Gretarsson og félagar unnu kærkominn sigur. Mynd/Balingen Weilstetten

Oddur Gretarsson átti stórleik með Balingen í kvöld þegar liðið vann Melsungen sem Guðmundur Þórður Guðmundsson þjálfar og Arnar Freyr Arnarsson leikur með, 25:24, í þýsku 1. deildinni í handknattleik. Leikið var á heimavelli Melsungen.


Oddur skoraði níu mörk, aðeins eitt þeirra úr vítakasti, og var markahæsti leikmaður vallarins. Balingen var lengst skrefinu á eftir í leiknum og var m.a. fjórum mörkum undir að loknum fyrri hálfleik, 16:12. Oddur og félagar voru hinsvegar sterkari á lokakaflanum og skoruðu m.a. fimm mörk gegn tveimur frá Melsungen-liðinu á síðustu tíu mínútunum.

„Virkilega kærkominn sigur eftir erfiðan fasa hjá okkur. Það var komin smá krísa en þetta gefur okkur mikið sjálfstraust fyrir komandi leiki,“ sagði Oddur við handbolta.is eftir leikinn. Hann sagði sérlega mikilvægt fyrir liðið að halda út og vinna á spennandi endaspretti en fyrir hefur komið að það hafi gefið eftir í þeirri stöðu í leikjum á tímabilinu.

Balingen mætir Nordhorn á heimavelli í næstu umferð en aðeins munar þremur stigum á liðunum í neðri hluta deildarinnar eins og sjá má á stöðunni sem er hér rétt fyrir neðan.


Arnar Freyr var ekki í leikmannahópi Melsungen í kvöld.


Gunnar Steinn Jónsson skoraði tvö mörk í þremur tilraunum þegar lið hans, Göppingen vann GWD Minden, 33:29, á heimavelli.


Í þriðja leik kvöldsins gerðu Coburg og Wetzlar jafntefli, 30:30.


Staðan í þýsku 1. deildinni:
THW Kiel 33(18), Flensburg 32(18), Magdeburg 32(21), Rhein-Neckar Löwen 30(21), Göppingen 29(21), Füchse Berlin 27(21), Bergischer HC 25(21), Lemgo 22(21), Wetzlar 22(22), Erlangen 22(22), Melsungen 21(18), Leipzig 21(22), Stuttgart 21(22), Hannover-Burgdorf 18(22), GWD Minden 16(22), Balingen 13(22), Nordhorn 10(21), Essen 9(21), Ludwigshafen 9(21), Coburg 8(23).

- Auglýsing -

Nýjustu fréttir

- Auglýsing -