Ólafur Andrés Guðmundsson, lengst til hægri, fagnar ásamt samherjum í Montpellier. Mynd/EPA

Ólafur Andrés Guðmundsson og samherjar hans í Montpellier tryggðu sér í gærkvöld sæti í undanúrslitum frönsku bikarkeppninnar í handknattleik er þeir unnu Nimes á útivelli, 32:28. Á sama tíma þá féllu Kristján Örn Kristjánsson, Donni, og félagar hans í PAUC, úr leik með naumu tapi fyrir Chambéry á útivelli í hörkuleik, 27:26.


Donni skoraði þrjú mörk í sex skotum fyrir PAUC.
Ólafur Andrés skoraði eitt mark fyrir Montpellier í tveimur tilraunum. Honum var vísað einu sinni af leikvelli fyrir að vera full ákafur í varnarleiknum.


Nantes og PSG náðu einnig að krækja sér í sæti í undanúrslitum. Nantes, sem Viktor Gísli Hallgrímsson gengur til liðs við á næsta sumri, vann Créteil, 37:29, og PSG sló út lið Toulouse, lokatölur, 39:25. Leikið var í Toulouse.

- Auglýsing -

Nýjustu fréttir

- Auglýsing -