Ólafur Víðir ráðinn mótastjóri HSÍ

Ólafur Víðir Ólafsson tekur við starfi mótastjóra HSÍ 1. ágúst. Mynd/HSÍ

Ólafur Víðir Ólafsson hefur verið ráðinn mótastjóri Handknattleikssambands Íslands. Kemur hann galvaskur til starfa 1. ágúst.


Ólafur Víðir er vel þekktur innan handknattleikshreyfingarinnar. Árum saman lék hann með HK og varð m.a. bikarmeistari 2003 og Íslandsmeistari 2012 með með liði félagsins. Síðasta árið hefur Ólafur Víðir haslað sér völl sem dómari.


Ólafur Víðir er kvæntur þriggja barna faðir sem hefur undanfarin ár starfað sem öryggisráðgjafi hjá Securitas en hefur auk þess komið að starfi HK í Kópavogi sem þjálfari bæði í yngri flokkum og meistaraflokkum.


Hrannar Hafsteinsson fyrrverandi mótastjóri hætti síðla á síðasta ári. Síðan hafa Róbert Geir Gíslason og Magnús Kári Jónsson haft umsjón með mótamálum sambandsins samhliða öðrum störfum.


„HSÍ bindur miklar vonir við ráðningu Ólafs og býður hann velkominn til starfa fyrir handknattleikshreyfinguna,“ segir í tilkynningu frá HSÍ.

- Auglýsing -

Nýjustu fréttir

- Auglýsing -