Olsson tekur út leikbann á föstudaginn

Sigurður Hjörtur Þrastarson dómari sýnir Emmu Olsson bláa spjaldið í úrslitaleik Fram og Vals Í Coca Cola-bikarnum á laugardaginn. Mynd/J.L.Long

Sænska handknattleikskonan Emma Olsson leikur ekki með Fram gegn HK í Olísdeildinni á föstudaginn. Hún var í dag úrskurðuð í eins leiks keppnisbann á fundi aganefndar HSÍ.


Olsson var útilokuð á 28. mínútu úrslitaleiks Fram og Vals í Coca Cola-bikar kvenna á síðasta laugardag vegna “sérstaklega gáleysislegrar aðgerðar,” eins og segir í úrskurði aganefndar.


FH-ingurinn Jakob Martin Ásgeirsson sem útilokaður var frá viðureign FH og Vals í undanúrslitum Coca Cola-bikarsins á síðasta miðvikdag slapp við leikbann. Jakob Martin er hinsvegar minntur “á stighækkandi áhrifum leikbanna,” eins og segir í snarpri niðurstöðu aganefndar.

Úrskurð aganefndar í heild má lesa hér.

- Auglýsing -

Nýjustu fréttir

- Auglýsing -