- Auglýsing -

Örn hefur samið við TV Emsdetten

Örn Vésteinsson Östenberg t.v. ásamt Antoni Rúnarssyni og Marco Stange umboðsmanni Arnar. Mynd/Aðsend

Handknattleiksmaðurinn Örn Vésteinsson Östenberg samdi á föstudaginn við þýska 2. deildarliðið TV Emsdetten og lék sinn fyrsta leik með liðinu á heimavelli í gærkvöld þegar það gerði jafntefli við Elbflorenz, 28:28. Örn er annar Íslendingurinn í herbúðum liðsins á keppnistímabilinu en fyrir er Anton Rúnarsson.


Örn er 23 ára gamall og leikur sem skytta vinstra megin. Hann hefur undanfarið hálft annað ár leikið með norska úrvalsdeildarliðinu Tønsberg Nøtterøy. Fjárhagur norska liðsins er í molum um þessar mundir og hafa leikmenn verið leystir undan samningum eigi þeir kost að róa á önnur mið.


Örn er sonur hjónanna Vésteins Hafsteinssonar kastþjálfara og margverðlaunaðs þjálfara kastara á stórmótum og Önnu Östenberg fyrrverandi frjálsíþróttakonu. Örn er e.t.v. ekki mjög þekktur hér á landi en hann lék með yngri landsliðum Íslands og var leikmaður Selfoss keppnistímabilið 2017/2018 og var einnig lánsmaður hjá Gróttu. Hann fæddist í Helsingborg en hóf feril með að leik með Vaxjö HF og lék síðar með Amo og Kristianstad.


Alls leikur 21 Íslendingur um þessar mundir í efstu tveimur deildunum í þýska handknattleiknum, þar af sjö í 2. deild.

- Auglýsing -
- Auglýsing -

Nýjustu fréttir

- Auglýsing -