Orri Freyr Þorkelsson gekk til liðs við Elverum í sumar. Mynd/Samsett frá Elverum

Dominik Mathe tryggði í kvöld Noregsmeisturum Elverum sigur á Drammen, 34:33, með sigurmarki sex sekúndum fyrir leikslok í fyrsta leiknum sem fram fer í norsku úrvalsdeildinni í handknattleik í 252 daga eða frá 22. desember á síðasta ári. Mikill handagangur var í öskjunni á lokakafla leiksins og skoraði Elverum m.a. tvö síðustu mörkin á síðustu 70 sekúndum leiktímans.

Þetta var jafnframt fyrsti leikur Hafnfirðingsins Orra Freys Þorkelssonar með nýjum samherjum. Hann gekk til liðs við Elverum í sumar frá Haukum.


Orri Freyr náði ekki að skora í fyrsta leik sínum í norsku úrvalsdeildinni.


Óskar Ólafsson skoraði þrjú af mörkum Drammen-liðsins sem lék á heimavelli. Hinn hálf íslenski Viktor Petersen Norberg skoraði einnig þrjú mörk fyrir Drammen.


Leikurinn þótt stórskemmtilegur en hann markaði upphaf keppni í norsku úrvalsdeildinni sem nú fer væntanlega á fulla snúning.
Drammen var þremur mörkum yfir að loknum fyrri hálfleik, 20:17.

- Auglýsing -

Nýjustu fréttir

- Auglýsing -