Örvhentu skytturnar verða um kyrrt hjá Val

Arnór Snær Óskarsson freistar þess að koma skoti á mark KA í úrslitaleiknum í Coca Colabikarnum á síðasta laugardag. Mynd/J.L.Long

Örvhentu skytturnar Arnór Snær Óskarsson og Agnar Smári Jónsson hafa báðir skrifað undir framlengingu á sínum samningum sínum við lið nýkrýndra Coca Cola-bikarmeistara Vals.


Arnór Snær skrifar undir þriggja ára samning við Val sem gildir út tímabilið 2025. Arnóri Snær hefur vaxið mjög fiskur um hrygg á yfirstandandi leiktíð. Eftir sigur Vals í Coca Cola-bikarnum á laugardaginn var Arnór Snær mikilvægasti leikmaður úrslitahelgi bikarkeppninnar.


„Arnór hefur farið úr því að vera lykilmaður í yngri flokkum félagsins í að vera einn besti leikmaður meistaraflokks á nokkrum árum. Arnór hefur einnig getið af sér gott orð við þjálfun yngri flokka félagsins og er fyrirmyndar félagsmaður,“ segir í tilkynningu frá handknattleiksdeild Vals í dag.


Agnar Smári skrifaði undir tveggja ára samning við Val sem gildir til loka leiktíðar 2024.

Agnar Smári Jónsson hefur framlengt samning sinn við Val til tveggja ára. Mynd/Egill Bjarni Friðjónsson


„Agnar Smári hefur um árabil verið einn besti leikmaður deildarinnar og verið lykilmaður í titilbaráttu sinna liða og fór til að mynda á kostum þegar Valsmenn tryggðu sér Íslandsmeistaratitilinn á Ásvöllum í fyrra,“ segir ennfremur í tilkynningu handknattleiksdeildar Vals.

- Auglýsing -

Nýjustu fréttir

- Auglýsing -