Óskar og Viktor drjúgir hjá Drammen

Óskar Ólafsson, leikmaður Drammen. Mynd/Drammen

Óskar Ólafsson, og hinn hálf íslenski Viktor Petersen Norberg, voru atkvæðamiklir að vanda hjá norska úrvalsdeildarliðinu Drammen í kvöld þegar liðið gerði jafntefli við  FyllingenBergen, 29:29, á heimavelli. Björgvinjarbúar voru tveimur mörkum yfir að loknum fyrri hálfleik, 13:11.

Óskar skoraði fjögur mörk og var einnig burðarás í vörn liðsins eins og hann hefur verið allt keppnistímabilið. Viktor skoraði þrjú mörk.

Viktor er markahæsti leikmaður Drammen á leiktíðinni með 21 mark. Móðir hans er íslensk, Birna Petersen, margfaldur Íslandsmeistari í badminton á árunum upp úr 1990. M.a. varð Birna fjórum sinnum Íslandsmeistari í tvíliðaleik ásamt Guðrúnu Júlíusdóttir, móður Ragnheiðar Júlíusdóttur stórskyttu Fram, á árunum 1990 til 1993. Faðir Viktors er Norðmaður, Ken Håkon Norberg. Hann var árum saman aðal línumaður Runar Sandefjord.

Viktor stendur á tvítugu og þykir mikið efni. Hann æfði í stuttan tíma með yngri landsliðum Íslands áður en hann valdi að veðja fremur á feril í sínu föðurlandi.

- Auglýsing -

Nýjustu fréttir

- Auglýsing -