Mynd/EHF

Fullkomin óvissa ríkir hvort lokakeppni EM 18 og 20 ára landsliða karla fari fram í janúar en landslið Íslands í þessum aldursflokkum hafa fyrir nokkru tryggt sér þátttökurétt.

Til stóð á mótin færu fram í sumar. Yngri liðin áttu að leika til úrslita í Slóveníu en U20 ára keppnin var fyrirhuguð í Austurríki og á Ítalíu. Vegna kórónuveirunnar var ákveðið í vor að fresta mótunum fram í janúar. Sömu sögu var að segja að sömu mótum í kvennaflokki en á þeim öðluðustu íslensku landsliðin ekki þátttökurétt.

Eftir því sem næst verður komist er óvíst að hægt verði að halda mótin í janúar. Burt séð frá kórónupestinni þá geta fleiri ljón verið í veginum. Lokamótin taka sinn tíma, allt að hálfan mánuð, og er vandséð að rými sé fyrir svo langa fjarveru í stundaskrá leikmanna sem flestir eru annað hvort í framhalds- eða háskólanámi. Fleira mun getað komið til.

- Auglýsing -

Nýjustu fréttir

- Auglýsing -