F.v. Ása Inga Þorsteinsdóttir, framkvæmdastjóri Stjörnunnar, Pétur Bjarnason, formaður handknattleiksdeildar Stjörnunnar, Patrekur Jóhannesson, íþrótta- og rekstrarsjóri Hhandknattleiksdeildar og Heiðrún Jónsdóttir, varaformaður Stjörnunnar. Mynd/Stjarnan

Patrekur Jóhannesson, fyrrverandi landsliðsmaður í handknattleik, atvinnumaður og landsliðsþjálfari Austurríkis, hefur verið ráðinn íþrótta- og rekstrarstjóri handknattleiksdeildar Stjörnunnar. „Hlutverk Patreks sem íþróttastjóra er að hafa yfirumsjón með öllu starfi handboltans, allt frá yngstu iðkendum til afreksstarfsins. Hann mun leggja faglega línu í gegnum allt starfið „bláu línuna.“ Þetta mun þýða að öll þjálfun og vegferð iðkenda verður ein heildstæð samfella frá fyrstu skrefum sem ungir handbolta iðkendur og þar til þau komast inn í meistaraflokka,“ segir í tilkynningu handknattleiksdeildar Stjörnunnar.

Samhliða þessu verður starf yfirþjálfara lagt niður.


Patrekur tók við þjálfun meistaraflokksliðs Stjörnunnar í handknattleik karla á síðasta sumri og heldur því áfram ótrauður samhliða störfum sínum sem íþrótta- og rekstrarstjóri.


„Allir iðkendur eru þjálfaðir eftir sömu handboltastefnu upp alla yngri flokka og munu fá leiðbeiningar um hvað er ætlast til að þau hafi tileinkað sér á hverju stigi. Þetta mun gera iðkendum mun auðveldara að fara upp á milli flokka og einnig auðvelda þeim að vinna með nýjum þjálfurum þar sem allir vinna eftir sömu stefnunni.
Patrekur verður einnig rekstrarstjóri deildarinnar og verður í mun nánara samstarfi við stjórn, meistaraflokksráð sem og barna og unglingaráð handknattleiksdeildar,“ segir ennfremur í tilkynningu handknattleiksdeildar Stjörnunnar.

- Auglýsing -

Nýjustu fréttir

- Auglýsing -