Annan leikinn í röð í Olísdeild karla fór Vilhelm Poulsen á kostum í sóknarleik Fram í kvöld þegar hann skoraði 10 mörk og átti sjö sköpuð marktækifæri, þar af fjórar stoðsendingar, þegar Framarar unnu leikmenn Selfoss, 29:23, í Framhúsinu. Vilhelm hefur þar með skorað 20 mörk í tveimur fyrstu leikjunum í deildinni.
Framarar eru þar með komnir með tvö stig í deildinni en Selfossliðið sem komu til landsins á mánudagskvöld með farseðil í aðra umferð Evrópbikarkeppninnar í farteskinu verða að bíða fram í næstu viku eftir að krækja í sín fyrstu stig í Olísdeildinni.
Fram var fjórum mörkum yfir að loknum fyrri hálfleik í kvöld, 14:10. Í raun var liðið með yfirhöndina í leiknum frá upphafi til enda þótt sigurinn hafi e.t.v. verið stærri en gangur leiksins segir til um.
Mörk Fram: Vilhelm Poulsen 10/3, Rógvi Christiansen 4, Kristófer Dagur Sigurðsson 3, Þorvaldur Tryggvason 3, Kristófer Andri Daðason 2, Ólafur Jóhann Magnússon 2, Þorsteinn Gauti Hjálmarsson 2, Breki Dagsson 2, Sefán Darri Þórsson 1.
Varin skot: Lárus Helgi Ólafsson 13, 37,1%. Arnór Máni Daðason 0.
Mörk Selfoss: Hergeir Grímsson 6, Ragnar Jóhannsson 6, Einar Sverrisson 6/4, Ísak Gústafsson 3, Guðjón Baldur Ómarsson 1, Atli Ævar Ingólfsson 1.
Varin skot: Vilius Rasimas 12/1, 31,6%. Sölvi Ólafsson 2, 66,7%.
Öll tölfræði leiksins er á HBStatz.
Staðan og næstu leikir í Olísdeild karla.
