Ráðinn þjálfari unglingalandsliðs í Færeyjum

Kristinn Guðmundsson handknattleiksþjálfari. Mynd/Færeyska handknattleikssambandið

Handknattleiksþjálfarinn Kristinn Guðmundsson hefur verið ráðinn þjálfari U16 ára landsliðs kvenna í Færeyjum. Kristinn þekkir vel til í færeyskum handknattleik eftir að hafa verið þjálfari hjá kvennaliði EB á Eiði á nýliðnu keppnistímabili.


Við hlið Kristins með unglingalandsliðið verður Færeyingurinn Agnar Joensen.
Færeyska handknattleikssambandið segir frá þessu í dag og jafnframt að U16 ára landsliðið taki þátt í Opna Evrópumótinu sem fram fer í Gautaborg í byrjun júlí í sumar.


Auk þess að starfa í Færeyjum síðasta árið þjálfaði Kristinn hér á landi um árabil, m.a. Íslandsmeistaralið HK í handknattleik karla með Erlingi Richardssyni fyrir áratug og vann samhliða Erlingi við þjálfun karlaliðs ÍBV frá 2019 til 2021. Einnig var Kristinn þjálfari í Noregi um skeið m.a. í Volda og Förde.

- Auglýsing -

Nýjustu fréttir

- Auglýsing -