Tveir leikir voru á dagskrá á dagskrá á Ragnarsmótinu í handknattleik karla í gærkvöld. Haukar sigruðu Stjörnuna í spennuleik, 31:28, og Fram burstaði Aftureldingu, 34:20, en Mosfellingar tefldu fram ungmennaliði í leiknum. Fram hefur þar með tvo vinninga en liðið vann Selfoss í fyrrakvöld en sama kvöld beið Stjarnan lægri hlut í viðureign sinni við ÍBV.
Haukar höfðu yfirhöndina í fyrri hálfleik en Stjarnan náði að minnka muninn niður í eitt mark undir lok fyrri hálfleiks. Þetta endurtók sig nokkrum sinnum í leiknum og voru hálfleikstölur 17:12, Haukum í hag. Stjarnan náði að jafna metin, 24:24, þegar skammt var til leiksloka. Við tóku spennandi lokamínútur en Haukarnir höfðu betur að lokum og unnu með þriggja marka mun, 31:28.
Mörk Stjörnunnar: Tandri Már Konráðsson 7, Hafþór Már Vignisson 6, Leó Snær Pétursson 3, Starri Friðriksson 3, Þórður Tandri Ágústsson 3, Gunnar Steinn Jónsson 3, Hrannar Bragi Eyjólfsson 1, Hjálmar Alfreðsson 1, Dagur Gautason 1.
Mörk Hauka: Ólafur Ægir Ólafsson 6, Stefán Rafn Sigmannsson 5, Darri Aronsson 4, Þráinn Orri Jónsson 4, Brynjólfur Snær Brynjólfsson 4, Geir Guðmundsson 2, Adam Haukur Baumruk 2, Andri Rafn Elísson 1, Heimir Óli Heimisson 1, Þorfinnur Máni Björnsson 1, Tjörvi Þorgeirsson 1.
Fram vann Aftureldingu örugglega í seinni leik kvöldsins, 34:20. Framarar byrjuðu mun betur og var sigurinn aldrei í hættu. Þrettán marka munur var að loknum fyrri hálfleik, 20:7. Afturelding sýndi fínan sóknarleik á köflum í seinni hálfleik, en það dugði skammt.
Mörk Fram: Reynir Stefánsson 8, Kristófer Daðason 6, Kjartan Júlíusson 5, Kristófer Sigurðsson 5, Kristinn Bjarkason 3, Rógvi Dal Christiansen 3, Breki Dagsson 2, Valtýr Már Hákonarson 1, Róbert Guðmundsson 1.
Mörk Aftureldingar: Stefán Scheving Guðmundsson 3, Agnar Ingi Rúnarsson 3, Gunnar Pétur Haraldsson 3, Böðvar Scheving Guðmundsson 3, Ingi Hrafn Sigurðsson 2, Haraldur Björn Hjörleifsson 2, Patrekur Logi Hannesson 1, Valur Þorsteinsson 1, Hilmar Ásgeirsson 1, Ágúst Björgvinsson 1
Aðeins einn leikur er á dagskrá á Ragnarsmótinu í kvöld. Heimamenn í liði Selfoss mæta Aftureldingu klukkan 19.30 í Iðu. Frítt er inn og að sjálfsögðu verður leikurinn í beinni útsendingu á SelfossTV eins og aðrir leikir mótsins.
