Ragnarsmótið: Úrslitaleikir standa fyrir dyrum

Aron Kristjánsson þjálfari karlaliðs Hauka í handknattleik. Mynd/Björgvin Franz

Haukar leika til úrslita á Ragnarsmótinu í handknattleik karla á Selfossi eftir að hafa unnið ÍBV örugglega, 32:26, í síðasta leik riðlakeppni mótsins sem leikið er í Iðu. Haukar mæta Fram í úrslitaleik sem hefst klukkan 16.


ÍBV var tveimur mörkum yfir að loknum fyrri hálfleik í viðureigninni við Hauka í gærkvöld. Hafnfirðingar sýndu mátt sinn og megin í síðari hálfleik. Stefán Rafn Sigurmannsson var þeirra markahæsti maður með sjö mörk. Rúnar Kárason skoraði níu mörk fyrir ÍBV.


Stjarnan og Afturelding leika um fimmta sætið á Ragnarsmótinu klukkan 12 í dag og Selfoss og ÍBV eigast við í leiknum um þriðja sætið klukkan 14. Allir leikir dagsins verða í beinni útsendingu á selfosstv á youtube.

- Auglýsing -

Nýjustu fréttir

- Auglýsing -