- Auglýsing -

Ragnhildur Edda flytur tímabundið yfir til FH-inga

Ragnhildur Edda Þórðardóttir hefur ákveðið að verða um kyrrt hjá FH. Mynd/FH

Kvennalið FH í handknattleik, sem leikur í Grill66-deildinni, fékk í dag góðan liðsstyrk út keppnistímabilið þegar hornakonan Ragnhildur Edda Þórðardóttir skrifað undir samning við félagið.

FH fær Ragnhildi Eddu að láni frá Val út keppnistímabilið, eftir því sem greint er frá í tilkynningu handknattleiksdeildar FH. Hún á að vera gjaldgeng í næsta leik FH gegn ungmennaliði Stjörnunnar á næsta sunnudag.

Ragnhildur Edda, sem er fædd árið 1998, hefur verið viðloðandi B-landslið Íslands. Hún hefur leikið níu af 10 leikjum Vals í Olísdeildinni til þessa.

FH er í þriðja sæti Grill66-deildar kvenna með 14 stig eftir 10 leiki og er fimm stigum á eftir ÍR sem trónir á toppnum. ÍR hefur leikið einum leik fleira.

- Auglýsing -
- Auglýsing -

Nýjustu fréttir

- Auglýsing -