- Auglýsing -

Rétt er að taka fram af gefnu tilefni

Mynd/Hafliði Breiðfjörð
  • Af gefnu tilefni er rétt að taka fram.
  • Ekkert hlaðvarp er eða hefur verið rekið af hálfu handbolta.is þótt þeir séu til sem haldi það. Né á handbolti.is þátt í gerð hlaðvarpsþátta. Eini starfsmaður handbolta.is hefur enn sem komið nóg annað fyrir stafni hvað svo sem framtíðin kann að bera í skauti sér.
  • Stjórnendur hlaðavarpsþáttarins Handboltinn okkar hafa frá upphafi sent handbolta.is tilkynningu í hvert sinn sem nýr þáttur hefur komið út. Tilkynningin hefur verið birt ásamt hlekk á nýjasta þáttinn hverju sinni. Þættirnir eru vitanlega sendir út á ábyrgð stjórnenda þeirra.
  • Tilkynningar og hlekkir á þætti Handboltans okkar verða áfram birtir á handbolta.is meðan stjórnendur telja sig hafa einhvern hag að því að nota handbolta.is sem einn af snertiflötum sínum við hlustendur.
  • Fleiri hlaðvarpsþættir um handknattleik hafa komið efni sínu á framfæri á handbolta.is þótt það hafi ekki verið gert með jafn reglubundnum hætti og hjá fyrrgreindu hlaðvarpi. Er það ekki vegna skorts á vilja hjá neðanrituðum.
  • Vissulega birtast tilkynningar frá Handboltanum okkar eins og fréttir á vefsíðunni enda býður kerfið svo sem ekki upp á marga kosti í þeim efnum. Tilkynningarnar hafa oftast verið merktar ritstjórn. Ekki er um kostaðar birtingar að ræða enda væri það tekið fram er svo væri.
  • Ritstjóri handbolta.is er þakklátur ef einhver sér hag sinn í að koma efni sínu eða tilkynningum á framfæri hjá þessum litla miðli sem ekki safnar sjóðum fremur en handknattleiksdeildir landsins.
  • Handbolti.is er og hefur frá upphafi verið opinn þeim sem vilja koma á framfæri tilkynningum eða skoðunum sínum varðandi handknattleik. Á það ekki síður við um handknattleiksdeildir félaganna en einstaklinga.
  • Þótt ég kunni hvorki að smíða né að baka þá er ég fús til þess að reyna mig við bæði hlutverk hér eftir sem hingað til.

    Ívar Benediktsson, ivar@handbolti.is/handbolti@handbolti.is
- Auglýsing -
- Auglýsing -

Nýjustu fréttir

- Auglýsing -