Reykjavíkurslagur í undanúrslitum

Anna Úrsúla Guðmundsdóttir og félagar í Val unnu góðan sigur á Fram. Mynd/Valur

Valur er kominn í undanúrslit um Íslandsmeistaratitilinn í handknattleik kvenna og mætir þar öðru Reyjavíkurfélagi, Fram. Valur vann Hauka öðru sinni í fyrstu umferð úrslitakeppninnar í kvöld nokkuð örugglega, 28:22, í Schenkerhöllinni á Ásvöllum.


Undanúrslitin hefjast eftir viku og verður fyrsta viðureignin á heimavelli Fram. Í hinni viðureign undanúrslitanna mætast deildarmeistarar KA/Þórs og ÍBV sem vann Stjörnuna í dag öðru sinni.

Viðureignin í Schenkerhöllinnni í kvöld varð aldrei spennandi. Haukar náðu sér aldrei á verulegt strik. Valur lék jafnan og góðan leik með ágætum varnarleik auk þess sem Saga Sif Gísladóttir varði vel í markinu.


Haukar hafa tekið miklum framförum á leiktíðinni og ætla sér eflaust meira á næsta keppnistímabili. Þeir komust í úrslitakeppnina að þessu sinni sem var góður áfangi og ekkert endilega augljós í haust. Þegar í úrslitakeppnina var komið vantaði hinsvegar meira upp á til að geta lagt stein í götu Valsmanna.


Mörk Hauka: Karen Helga Díönudóttir 6, Berta Rut Harðardóttir 5/5, Sara Odden 3, Elína Klara Þorkelsdóttir 3, Hekla Rún Ámundadóttir 3, Berglind Benediktsdóttir 1, Birta Lind Jóhannsdóttir 1.
Varin skot: Annika Friðheim Petersen 10, 27%.
Mörk Vals: Lovísa Thompson 8/1, Lilja Ágústsdóttir 5, Elín Rósa Magnúsdóttir 5, Thea Imani Sturludóttir 4, Mariam Eradze 3, Auður Ester Gestsdóttir 2, Ída Margrét Stefánsdóttir 1.
Varin skot: Saga Sif Gísladótir 15, 42,9%.

- Auglýsing -

Nýjustu fréttir

- Auglýsing -