Róbert Sigurðarson stöðvar Viorel Bosca leikmann Þórs í kappleik í byrjun vetrar. Mynd/Skapti Hallgrímsson, akureyri.net

Varnarmaðurinn sterki, Róbert Sigurðarson, ætlar að halda sínu striki með bikarmeisturum ÍBV. Hann hefur staðfest þá ætlan sína með því að skrifa nafn sitt undir tveggja ára samning við ÍBV. Félagið greinir frá þessu í dag.


Róbert er á sínu fjórða tímabili hjá ÍBV en hann kom til Eyja frá Akureyri 2017. Hann hefur verið lykilmaður í varnarleik ÍBV-liðsins undanfarin. Um leið hefur hann undirstrikað þá staðreynd að vera einn besti varnarmaður Olísdeildarinnar.


„Við erum mjög ánægð með að tryggja okkur krafta Róberts áfram og er þetta mikilvægur þáttur í að gera allt klárt fyrir átökin næstu ár,“ segir m.a. í tilkynningu ÍBV.


Arnór Viðarsson, Dagur Arnarsson, Petar Jankovic, Theodór Sigurbjörnsson eru á meðal leikmanna karlaliðs ÍBV sem á síðustu vikum hafa skrifað undir nýja samninga til næstu ára. Auk þess hefur ÍBV tryggt sér krafta Rúnars Kárasonar og Dánjals Ragnarssonar til viðbótar fyrir næsta keppnistímabil.

- Auglýsing -

Nýjustu fréttir

- Auglýsing -