- Auglýsing -
Handknattleiksmarkvörðurinn Róbert Örn Karlsson hefur skrifað undir þriggja ára samning við HK. Frá þessu er greint á heimasíðu HK. Róbert Örn er á láni frá Fram en sennilegt er að hann hafi varanleg vistaskipti eftir að hafa skrifað undir svo langan samning við HK.
„Róbert hefur verið á láni hjá okkur í vetur og staðið sig vel. HK bindur miklar vonir við Róbert á komandi árum og teljum við hann mikilvægan hlekk í uppbyggingu liðsins á komandi árum,“ segir í tilkynningu á heimasíðu HK.
Róbert Örn hefur borið hitann og þungann af því að verja mark HK á yfirstandandi keppnistímabili ásamt Sigurjóni Guðmundssyni. Ingvar Ingvasson kom einnig við sögu í nokkrum leikjum í desember.
Stöðu og næstu leiki í Olísdeild karla má sjá hér.
- Auglýsing -