Roland Eradze t.h. ræðir við leikmann Motor á æfingu í sumar. Mynd/Motor

Roland Eradze, fyrrverandi landsliðsmarkvörður Íslands, og nú handknattleiksþjálfari er á góðum batavegi eftir að hafa veikst af kórónuveirunni við starf sitt í Zaporozhye. Hann er um þessar mundir aðstoðarþjálfari meistaraliðs Motor Zaporozhye í Úkraínu.

„Ég hef verið hitalaus í tvo sólarhringa og er allur að færast í aukana,“ svaraði Roland fyrirspurn frá handbolta.is í morgun. Þar með fer að styttast í eingangrunartímanum hjá honum.

Allir leikmenn Motor veiktust, auk Rolands og þjálfarans Gintaras Savykynas, fljótlega eftir viðureign Motor og ungverska liðsins Veszprém í Meistaradeild Evrópu fyrir nærri tveimur vikur. Af þessu sökum var leik Kiel og Motor, sem fram átti að fara í Þýskalandi í kvöld í Meistaradeildinni, frestað um óákveðinn tíma. Var það gert snemma í síðustu viku eftir smitið kom upp í herbúðum úkraínsku meistaranna.

Roland segist ekki vita betur en að leikmenn Motor og Gintaras þjálfari hafi það gott eftir atvikum. Þeir eru jafnt og þétt að skríða saman en eru enn í einangrun en hafi sem betur fer ekki veikst svo alvarlega að þörf hafi verið á að leggjast inn á sjúkrahús.

- Auglýsing -

Nýjustu fréttir

- Auglýsing -