Lið Motor Zaporozhye sem hafnaði í 3. sæti í Austur-Evrópudeildinni í gær. Mynd/ Motor Zaporozhye

Úkraínska meistaraliðið Motor Zaporozhye, en hjá því starfar Roland Eradze sem aðstoðarþjálfari, leikur um þriðja sæti í Austur-Evrópudeildinni, SHEA Gazprom League, í handknattleik karla á morgun gegn Meshkov Brest. Motor tapaði í gær fyrir Veszrpém í undanúrslitum, 36:29, eftir að hafa verið sex mörkum undir að loknum fyrri hálfleik, 20:14.


Auk Rolands er Gintaris Savukynas, fyrrverandi leikmaður Aftureldingar og fleiri liða hér á landi, aðalþjálfari Motor-liðsins sem í vikunni vann meistrakeppnina í Úkraínu. Þetta er annað tímabilið sem þeir félagar starfa saman við þjálfun Motor-liðsins sem er yfirburðalið í heimalandinu.


Meshkov Brest tapaði eftir æsispennandi leik fyrir PPD Zagreb, 38:37, í hinni viðureign undanúrslita Austur-Evrópudeildarinnar. Vítakeppni þurfti til að knýja fram úrslit. Zagreb-liðið fékk óvænt sæti í undanúrslitum eftir að Vardar Skopje var vikið úr keppni á fimmtudaginn þegar einn leikmaður liðsins greindist með kórónuveiruna, eins og greint var frá hér.


Leikið er til úrslita í Zadar í Króatíu.

- Auglýsing -

Nýjustu fréttir

- Auglýsing -