Árni Bragi Eyjólfsson, Rakel Sara Elvarsdóttir, Arnór Ísak Haddsson, Martha Hermannsdóttir, Rut Arnfjörð Jónsdóttir, og Jón Heiðar Sigurðsson. Mynd/KA

Rut Arnfjörð Jónsdóttir og Árni Bragi Eyjólfsson voru valin bestu leikmenn KA og KA/Þórs á lokahófi liðanna í gær.

Rakel Sara Elvarsdóttir og Arnór Ísak Haddsson voru valin efnilegustu leikmennirnir og Martha Hermannsdóttir og Jón Heiðar Sigurðsson bestu liðsfélagarnir.

Einnig voru landsliðskonurnar Rut Arnfjörð og Ásdís Guðmundsdóttir heiðraðar fyrir framgöngu sína með landsliðinu. Ásdís kom inn sem nýliði og lék sína fyrstu landsleiki í forkeppni HM. Rut er hinsvegar einn reynslumesti leikmaður liðsins með 97 landsleiki.


Til viðbótar voru voru fimm leikmenn kvaddir og þakkað fyrir þeirra framlag til liðanna undanfarin ár. Þar er um að ræða Svavar Inga Sigmundsson sem er á leiðinni suður til náms og hefur ákveðið að leika með FH, Áki Egilsnes flytur til Þýskalands og leikur með EHV Aue á næstu leiktíð, Daði Jónsson flytur til Danmerkur í sumar, Ólöf Maren Bjarnadóttir sem gengur til liðs við Hauka og Árni Bragi Eyjólfsson sem söðlar um eftir frábært tímabil með KA en hann hyggst leika á ný með Aftureldingu á næsta keppnistímabili.


Margar myndir og frekari frásögn af lokahófinu er að finna á heimasíðu KA sem finna má hér.

- Auglýsing -

Nýjustu fréttir

- Auglýsing -