- Auglýsing -
Markahæsti leikmaður Evrópumóts karla, Hollendingurinnn Kay Smits, tekur væntanlega ekki þátt í fleiri leikjum á Evrópumótinu. Hann greindist smitaður af kórónuveirunni í morgun eftir því sem fram kemur í tilkynningu frá hollenska handknattleikssambandinu.
Auk Smits reyndust Samir Benghanem og Jasper Adams einnig vera jákvæðir við skimun í morgun auk sjúkraþjálfarans Robert Baardse.
Í gær reyndust Erlingur Richardsson, landsliðsþjálfari Hollands, og markvarðaþjálfarinn vera smitaðir. Ljóst er að róðurinn þyngist talsvert í herbúðum Hollendinga við tíðindi morgunsins.
Hollendingar unnu afar góðan sigur á Svartfellingum í gær, 34:30. Þeir mæta heimsmeisturum Dana á morgun.
Smiths hefur skorað 45 mörk í fimm leikjum, ellefu mörkum fleiri en Pólverjinn Arkadiusz Moryto. Ómar Ingi Magnússon er í þriðja sæti með 33 mörk.
- Auglýsing -
