Leonharð Þorgeir Harðarson, hornamaður FH. Mynd/J.L.Long

Hornamaðurinn örvhenti, Leonharð Þorgeir Harðarson, hefur framlengt samningi sínum við handknattleiksdeild FH fram yfir keppnistímabilið 2024. Fyrri samningur hans gilti til næsta vors en Leonharð og FH voru sammála um að tvínóna ekki við að gera nýjan samning í tíma.


Leonharð kom til FH sem lánsmaður frá Haukum í ársbyrjun 2019 og líkaði vistin svo vel að hann hafði formleg vistaskipti yfir í raðir FH-liðsins um sumarið.


„Leonharð hefur verið einn af okkar allra bestu leikmönnum síðan hann kom til FH fyrir tveimur og hálfu ári síðan. Leonharð er mikill félagsmaður og toppdrengur sem leggur sig alltaf 100% fram innan sem utan vallar og því frábært að hann verði áfram hjá FH næstu árin,“ er haft eftir Ásgeiri Jónssyni formanni handknattleiksdeildar FH í tilkynningu í dag.

- Auglýsing -

Nýjustu fréttir

- Auglýsing -