Sandra og samherjar á sigurbraut á ný

Sandra Erlingsdóttir leikmaður EH Aalborg. Mynd/EH Aalborg Support

Sandra Erlingsdóttir, landsliðskona í handknattleik, og samherjar hennar í EH Alaborg komust inn á sigurbraut á heimavelli í dag í dönsku B-deildinni í handknattleik. EH Aalborg vann á Roskilde Håndbold, 32:25, á heimavelli í leik þar sem Álaborgarliðið var með forystu frá upphafi til enda. Sex marka munur var á liðunum þegar leiktíminn var hálfnaður, 17:11.


Sandra skoraði fjögur mörk, öll eftir uppstilltan leik. Hún lét einnig finna fyrir sér í vörninni auk þess að stýra sóknarleiknum af röggsemi.

Ringköbing er efst í deildinni með 21 stig að loknum 12 leikjum. EH Aalborg og SönderjyskE eru næst með 20 stig hvort eftir 14 leiki. Ringsted er með 19 stig eftir 13 leiki og Hadsten 18. Keppnin er því afar jöfn á meðal efstu lið en það efsta fer beint upp en önnur fara í umspil um eitt sæti.

- Auglýsing -

Nýjustu fréttir

- Auglýsing -