Þorsteinn Gauti Hjálmarsson var markahæstur hjá Aftureldingu í dag ásamt Blæ Hinrikssyni. Mynd/Egill Bjarni Friðjónsson

Aftureldingarmenn sóttu tvö stig austur á Selfoss í kvöld þegar þeir mættu heimamönnum í Hleðsluhöllinni og komust þar með upp að hlið Vals og ÍBV með 17 stig í þriðja til fimmta sæti deildarinnar. Selfoss er stigi á eftir í sjötta sæti. Lokatölur í Hleðsluhöllinni, 26:23, fyrir Mosfellinga.


Afureldingarmenn byrjuðu leikinn betur en þegar á fyrri hálfleik leið jafnaðist viðureignin og aðeins var eins marks munur í hálfleik, 14:13, gestunum í hag. Upphafskafli síðari hálfleiks var jafn en eftir að leikmenn Aftureldingar náðu tveggja marka forskoti, 19:17, eftir um tíu mínút þá dró í sundur með liðunum og segja má að sigur Mosfellinga hafi ekki verið í hættu.


Mörk Selfoss: Hergeir Grímsson 6, Alexander Már Egan 5, Ragnar Jóhannsson 3, Atli Ævar Ingólfsson 3, Einar Sverrisson 2, Hannes Höskuldsson 2, Tryggvi Þórisson 1, Gunnar Flosi Grétarsson 1.
Varin skot: Vilius Rasimas 16, 40%.
Mörk Aftureldingar: Þorsteinn Gauti Hjálmarsson 7, Bergvin Þór Gíslason 6, Blær Hinriksson 4/1, Þorsteinn Leó Gunnarsson 2, Guðmundur Árni Ólafsson 2, Þrándur Gíslason Roth 2, Gunnar Kristinn Malmquist Þórsson 1, Úlfar Páll Monsi Þórðarson 1.
Varin skot: Brynjar Vignir Sigurjónsson 8, 44,4% – Bjarki Snær Jónsson 6, 31,6%.

Öll tölfræði leiksins hjá HBStatz.

Staðan í Olísdeild karla.

- Auglýsing -

Nýjustu fréttir

- Auglýsing -