Meistarar meistaranna 2020 og bikarmeistarar, ÍBV sækja Hauka heima í Schenkerhöllina síðdegis. Mynd/HSÍ

Bikarmeistarar ÍBV unnu Meistarakeppni HSÍ í karlaflokki í kvöld þegar liðið lagði deildarmeistara Vals, 26:24, í hörkuleik í Origo-höllinni við Hlíðarenda. Sigurinn var sanngjarn þar sem Eyjamenn voru sterkari í leiknum nánast frá upphafi. Þeir voru tveimur mörkum yfir í hálfleik, 14:12.

Eftir jafnar upphafsmínútur tóku Eyjamenn forystuna og voru alltaf skrefinu á undan Valsmönnum. Fram að hálfleik þegar munurinn var tvö mörk, 14:12. Munaði þar ekki minnstu um að markvarslan var mun betri hjá ÍBV þar sem Petar Jokanovic var vel með á nótunum meðan Einar Baldvin Baldvinsson átti erfiðara uppdráttar hinum megin vallarins í marki Vals.

 Lið ÍBV hélt áfram að vera skrefinu á undan fram eftir síðari hálfleik. Munurinn var frá einu og upp í þrjú mörk.  Þegar tíu mínútur voru til leiksloka var ÍBV með tveggja marka forskot, 20:18. Martin Nágy, ungverskur markvörður Vals, varði þá glæsilega skot eftir hraðapphlaup og hinum megin hélt Jokanovic uppteknum hætti og varði vel.

Fannar Þór Friðgeirsson, fyrrverandi leikmaður Vals, kom ÍBV þremur mörkum yfir hálfri þriðju mínútu fyrir leikslok, 25:22. Jokanovic varði slakt skot Antons Rúnarssonar í sókn Vals í framhaldinu. Þar með mátti segja að ljóst væri að ÍBV færi með sigur úr býtum.  Örvæntingafullar tilraunir Vals til að minnka muninn eftir það dugðu skammt.

Magnús Óli Magnússon og Finnur Ingi Stefánsson skoruðu sex mörk hvor fyrir Val og Róbert Aron Hostert skoraði fjórum sinnum.

Hákon Daði Styrmisson var markahæstur hjá ÍBV með sex mörk. Sigtyggur Daði Rúnarsson skoraði fimm mörk og Dagur Arnarsson skoraði fjögur.

Kári Kristján Kristjánsson, fyrirliði ÍBV, tekur um sigurlaunin í Meistarakeppni HSÍ. Mynd/HSÍ
- Auglýsing -

Nýjustu fréttir

Vængirnir höfðu lítið upp í krafsinu á Selfossi

Ungmennalið Selfoss vann í kvöld annan leik sinn er þeir lögðu Vægni Júpíters í Hleðsluhöllinni á Selfossi, 29:21, eftir að hafa verið...

Víkingar gerðu strandhögg í Dalhúsum

Víkingar gerðu sér lítið fyrir og skelltu eina taplausa liði Grill 66-deildar karla í handknattleik, Fjölni, í kvöld í Dalhúsum í Grafarvogi,...

Kría gerði usla í Kórnum

Leikmenn Kríu gerðu heldur betur usla í toppbaráttu Grill 66-deildar karla í handknattleik í kvöld þegar þeir lögðu HK, 25:23, á heimavelli...
- Auglýsing -