- Auglýsing -
Carlos Martin Santos, þjálfari handknattleiksliðs Harðar á Ísafirði, hefur framlengt samning sinn við félagið til næstu þriggja ára. Harðarliðið hefur tekið stórstígum framförum undir stjórna Spánverjans. Í vor var Hörður, á sínu fyrsta ári í Grill66 -deild karla, hársbeidd frá því að leika til úrslita um sæti í Olísdeildinni en liðið féll úr keppni eftir þrjá æsilega spennandi leiki við Víkinga.
„Carlos var heldur betur hvalreki fyrir okkur en hann kom til okkar frá Benidorm á Spáni þar sem hann var aðstoðarþjálfari. Hann er með meistaragráðu í handboltaþjálfun frá Barcelona og hefur sýnt það undanfarin tvö ár að hann er á meðal efnilegustu þjálfara sem fyrirfinnast. Hann ætlar að vaxa og dafna með Herði á næstu árum og markmið hans og félagsins er afar skýrt,“ segir m.a. í tilkynningu sem Handknattleiksdeild karla sendi frá sér í morgunsárið.
- Auglýsing -
