Selfoss er með tveggja stiga forskot í efsta sæti Grill66-deildar kvenna í handknattleik eftir sigur á Fjölni/Fylki, 25:19, í Sethöllinni í gærkvöld. Selfossliðið hefur þar með tveggja stiga forskot á ÍR. Síðarnefnda liðið á leik til góða. ÍR fær fær Selfoss í heimsókn í Austurbergið á föstudagskvöld.
Skemmst er frá því að segja að Selfossliðið var mun sterkara liðið í leiknum í gær. Sjö marka munur var á liðunum eftir fyrri hálfleik, 12:5. Markahæsti leikmaður Selfoss á keppnistímabilinu, Tinna Sigurrós Traustadóttir, skoraði ekki mark í leiknum.
Mörk Selfoss: Agnes Sigurðardóttir 7, Kristín Una Hólmarsdóttir 5, Elín Krista Sigurðardóttir 4, Elínborg Katla Þorbjörnsdóttir 3, Katla Björg Ómarsdóttir 2, Roberta Strope 2, Tinna Soffía Traustadóttir 2.
Mörk Fjölnis/Fylkis: Sigríður Björg Þorsteinsdóttir 4, Hrafnhildur Irma Jónsdóttir 3, Tina Stojanovic 2, Sara Lind Stefánsdóttir 2, Harpa Elín Haraldsdóttir 2, Katrín Erla Kjartansdóttir 2, Telma Sól Bogadóttir 1, Sara Björg Davíðsdóttir 1, Nína Rut Magnúsdóttir 1.
Stöðuna og næstu leiki í Grill66-deildinni má sjá hér.
