Selfoss hlaðvarpið: Þarf að rúlla betur liðinu og halda gott partý?

Halldór Jóhann Sigfússon, þjálfari karlaliðs Selfoss th. og Örn Þrastarson, aðstoðarþjálfari, bera saman bækur sínar. Þeir taka á móti Valsmönnum í kvöld. Mynd/Selfoss/SÁ

Nýjasti þáttur af Selfoss hlaðvarpinu er kominn í loftið þar sem fjallað er um allt sem við kemur handknattleik á Selfossi. Gestir nýja þáttarins eru Guðmundur Hólmar Helgason, leikmaður Selfoss og hinn þrautreyndi handknattleiksmaður, landsliðsmaður og atvinnumaður til margra ára og núverandi fasteignasali, Þórir Ólafsson. Hægt er hlusta á þáttinn í gegnum hlekk neðst í þessari frétt.


Guðmundur Hólmar varð fyrir því óláni á dögunum að slíta hásin. Hann fór í aðgerð í síðustu viku en nú tekur við löng og ströng endurhæfing. Vonast hann til þess að vera kominn aftur af stað í lok ágúst eða í byrjun september áður en nýtt keppnistímabil hefst.


„Endurhæfingin er nú ekki komin langt. Læknarnir voru ánægðir með aðgerðina og þetta lítur allt saman vel út. Ég losna bráðum við hækjurnar og eftir það þá er þetta bara allt á uppleið,“ segir Guðmundur Hólmar m.a. í hlaðvarpsþættinum.


„Menn tala um 6-7 mánuði eftir aðgerð. Ég er að horfa á mánaðarmótin ágúst-september, vonandi verð ég orðinn mjög góður um miðjan september. Hausinn er þó ekki alveg kominn þangað,“ segir Guðmundur Hólmar ennfremur en hann fer ítarlega yfir stöðuna.

Þarf bara eitt gott partý

Farið er yfir gengi Selfoss-liðsins í Olísdeildinni en það hefur ekki verið alveg eins og best verður á kosið upp á síðkastið.


„Við þurfum bara aðeins að þétta raðirnar. Ef við náum að rúlla liðinu aðeins betur þá eigum við meira á tanknum síðasta korterið. Síðasta korterið erum við aðeins komnir á hælana og erum að tapa 1 á 1 stöðu og fá á okkur einföld mörk,“ sagði Guðmundur Hólmar.


„Ég held að Dóri (Halldór Jóhann) og Örn þurfi að henda í eitt gott pizzapartý og setja Die Hard í tækið, gera eitthvað annað en að fara bara inn í sal og æfa Kairó eða eitthvað álíka. Það er leikið mjög þétt næstu daga og við þekkjum þessa drengi, þeir kunna þetta allt. Það þarf bara eitt gott partý,“ bætti Þórir Ólafsson við.


Efnisliðir þáttarins:
Selfoss liðið er ekki nógu leiðinlegt – 56:20
Eru Selfyssingar orðnir þreyttir? 5:30
Ætti Selfoss að einbeita sér að bikarkeppnini? 36:10

- Auglýsing -

Nýjustu fréttir

- Auglýsing -