Kátir leikmenn Selfoss eftir sigurinn á ÍBV U í Grill66-deildinni í kvöld. Mynd/Facebook

Lið Selfoss er komið á skrið á nýjan leik í Grill66-deild kvenna í handknattleik eftir nokkurt hlé vegna þess að æfingar lágu niðri um nokkurt skeið í bænum meðan kórónuveiran herjaði þar. Selfoss tók á móti ungmennaliði ÍBV í kvöld og vann með fjögurra marka mun, 27:23, eftir að hafa verið marki yfir í hálfleik, 13:12.


Lið Selfoss komst þar með upp í annað sæti deildarinnar, stigi á undan ÍR, en stigi á eftir FH. Hafnarfjarðarliðið hefur leikið einum leik fleira en næstu lið á eftir.

Ungu stúlkurnar í ÍBV eru í næst neðsta sæti en einhverjar þeirra voru að taka þátt í öðrum leik sínum í dag og því í mörg horn að líta.


Mörk Selfoss: Tinna Soffía Traustadóttir 6, Tinna Sigurrós Traustadóttir 4, Elín Krista Sigurðardóttir 4, Elínborg Katla Þorbjörnsdóttir 4, Roberta Strope 3, Emelía Kjartansdóttir 3, Inga Sól Björnsdóttir 1, Kristín Una Hólmarsdóttir 1, Katla Björg Ómarsdóttir 1.
Mörk ÍBV: Þóra Björg Stefánsdóttir 8, Aníta Björk Valgeirsdóttir 4, Helena Jónsdóttir 3, Ólöf María Stefánsdóttir 3, Sara Dröfn Richardsdóttir 3, Katla Arnarsdóttir 1, Sara Sif Jónsdóttir 1.

Stöðuna og næstu leiki í Grill66-deild kvenna má sjá hér.

- Auglýsing -

Nýjustu fréttir

- Auglýsing -