- Auglýsing -

Selfyssingar fóru ekki tómhentir úr Digranesi

Mynd/Eyjólfur Garðarsson

Ungmennalið Selfoss fór ekki erindisleysu vestur yfir Hellisheiði í kvöld og í Kópavog til leiks við Kórdrengi í Grill66-deild karla í íþróttahúsið í Digranesi í handknattleik. Selfossliðið tók bæði stigin með sér að loknum lokaleik 16. umferðar deildarinnar. Lokatölur 33:24, fyrir Selfoss sem var fjögurra marka forskot að loknum fyrri hálfleik, 16:12.


Selfoss hefur þar með 14 stig eins og ungmennalið Hauka sem lagði Hörð frá Ísafirði á föstudagskvöld á Ásvöllum. Kórdrengir eru sem fyrr í sjöunda sæti af 11 liðum deildarinnar á sínu fyrsta keppnistímabili á Íslandsmótinu.


Sveinn Aron Sveinsson sem gekk til liðs við Kórdrengi fyrir mánaðarmótin síðustu er ekki byrjaður að leik með nýjum samherjum. Þá var skarð fyrir skildi hjá Kórdrengjum að Arne Karl Wehmeier gat ekki tekið þátt að þessu sinni.


Mörk Kórdrengja: Tómas Helgi Wehmeier 6, Eiríkur Guðni Þórarinsson 5, Þorlákur S. Sigurjónsson 4, Matthías Daðason 3, Hjalti Freyr Óskarsson 2, Egill Björgvinsson 2, Eyþór Hilmarsson 1, Þorgrímur Þórarinsson 1.

Mörk Selfoss U.: Guðjón Baldur Ómarsson 5, Haukur Páll Hallgrímsson 5, Árni Ísleifsson 4, Gunnar Flosi Grétarsson 4, Alexander Hrafnkelsson 3, Sölvi Svavarsson 3, Hans Jörgen Ólafsson 3, Tryggvi Sigurberg Traustason 2, Sigurður Snær Sigurjónsson 2, Elvar Elí Hallgrímsson 2.

Stöðu og næstu leiki í Grill66-deild karla má sjá hér.

- Auglýsing -
- Auglýsing -

Nýjustu fréttir

- Auglýsing -