Serbnesk landsliðskona semur við ÍBV

Mariju Jovanovic leikmaður ÍBV kom til félagsins í sumar er i serbneska landsliðinu. Mynd/aðsend

Handknattleiksdeild ÍBV hefur gengið frá samkomulagi og skrifað undir tveggja ára samning við serbnesku landsliðskonuna Mariju Jovanovic um að leika með kvennaliði félagsins á komandi tímabilum.
Jovanovic er 26 ára, hávaxin og mjög öflug á báðum endum vallarins, eftir því sem segir í tilkynningu frá ÍBV.

Jovanovic hefur undanfarin ár leikið með ZORK Jagodina í Serbíu en liðið varð serbneskur meistari á dögunum. Á síðustu fjórum árum hefur lið hennar unnið meistaratitilinn í heimalandinu í þrígang, tvisvar sinnum bikarkeppnina og einu sinni orðið meistari meistaranna.

Jovanovic er í landsliðshópi Serbíu sem leggur stund á æfingar um þessar mundir.

Serbneska landsliðið er með íslenska landsliðinu í riðli í undankeppni EM sem hefst í október.

a>
- Auglýsing -

Nýjustu fréttir

- Auglýsing -