Settu strik í reikning Neistans

Hörður Fannar Sigþórsson. Mynd/FB-síða Harðar Fannars

Hörður Fannar Sigþórsson og félagar í KÍF frá Kollafirði gerðu sér lítið fyrir og skelltu Neistanum, undir stjórn Arnars Gunnarsson, í íþróttahöllinni í Kollafirði í dag, 32:28. Þar með er Neistin ekki lengur í efsta sæti deildarinnar en liðið hefur trónað á toppnum frá fyrstu umferð en leikurinn í dag var sá sjöundi hjá Arnari og lærisveinum og jafnframt fyrsti tapleikur þeirra í færeysku úrvalsdeildinni.

Hörður Fannar átti ágætan leik fyrir KÍF og skoraði m.a. sex mörk og var markahæstur ásamt tveimur öðrum. Neistin var marki yfir að loknum fyrri hálfleik, 16:15.

Finnur Hansson skoraði eitt mark fyrir Neistan.

VÍF frá Vestmanna, sem Áki Egilsnes núverandi KA-maður lék með áður en hann flutti til Íslands, er nú í efsta sæti með 11 stig að loknum sjö leikjum. Neistin er með stigi færra, einnig eftir sjö leiki. H71 er í þriðja sæti með níu stig og á leik til góða á tvö efstu liðin. KÍF er þar á eftir með átta stig en hefur leikið átta sinnum.

- Auglýsing -

Nýjustu fréttir

- Auglýsing -