- Auglýsing -

Sex í einn kippu til Kórdrengja

Mynd/Eyjólfur Garðarsson

Víst er að það hljóp verulega á snærið hjá liði Kórdrengja í dag þegar sex leikmenn fengu félagaskipti, aðeins nokkrum klukkustundum fyrir fyrsta leiksins liðsins á leiktíðinni í Grill66-deildinni.


Ástþór Barkarson sem síðast var hjá Þrótti er kominn til liðs við Kórdrengina auk þess sem ÍR-ingarnir Eyþór Hilmarsson og Egill Björgvinsson eru á ný orðnir liðsmenn. Þeir voru lánsmenn hjá Kórdrengjum á síðasta keppnistímabili. Þriðji ÍR-ingurinn, Tómas Helgi Wehmeier, er einnig liðsmaður Kórdrengja eftir því sem fram kemur á félagaskiptasíðu HSÍ.



Þar með ekki öll sagan sögð. Andri Hjartar Grétarsson og Bjarki Björgvinsson, sem léku með Vængjum Júpíters hafa einnig ákveðið að söðla um enda lítið um að vera á vegum Vængjanna á komandi leiktíð.


Andri og Bjarki verða eins og aðrir sem að framan greinir gjaldgengir með Kórdrengjum í kvöld þegar þeir mæta HK í Kórnum klukkan 19.30. Andri Hjartar lék um árabil með Stjörnunni.


Kórdrengir leika heimaleiki sína í Grill66-deildinni á Ásvöllum í Hafnarfirði eins og kom fram á handbolta.is á dögunum.

handbolti.is nýtur ekki opin­bers rekstr­­ar­­stuðn­­ings.
- Auglýsing -
- Auglýsing -

Nýjustu fréttir

- Auglýsing -