Sextán ára og eldri mega hefja innhússæfingar

Æfingar hjá handknattleiksfélögum á höfuðborgarsvæðinu meðal iðkenda sem fæddir eru 2004 og fyrr verða heimilaðar frá og með morgundeginum, mánudaginn 26. október. Frá þessu var greint á fundi sem fulltrúar almannavarnanefndar höfuðborgarsvæðisins áttu með ÍSÍ, sérsamböndum ÍSÍ,  Íþróttabandalagi Reykjavíkur, Íþróttabandalagi Hafnarfjarðar, Ungmennasambandi Kjalarnesþings og fulltrúum fyrir hönd sveitarfélaganna á höfuðborgarsvæðinu í gær.

Vonast er til að æfingar megi hefjast hjá þeim sem eru fæddir 2005 og síðar frá og með þriðjudeginum 3. nóvember.

Að sjálfsögðu verður að viðhafa allar sömu reglur um sóttvarnir eins og á æfingum þeirra fullorðnu þegar þeim var heimilt að hefja æfingar í síðustu viku. Reglur HSÍ um sóttvarnir við æfingar er hér að finna.

- Auglýsing -

Nýjustu fréttir

- Auglýsing -