Mynd/J.L.Long

Heimilt verður að hafa sextán leikmenn á leikskýrslu í meistaraflokki í leikjum Íslandsmótsins í handknattleik á keppnistímabilinu sem er að hefjast. Um langt árabil hefur hámarksfjöldi leikmanna verið takmarkaður við 14. Um leið verður leyfilegt að hafa fimm starfsmenn á skýrslu í leik í stað fjögurra áður.


Þetta kemur fram í tilkynningu frá Handknattleikssambandi Íslands. Er vísað til þess að tillaga hafi komið fram á formannafundi á dögunum um að samræma reglur varðandi fjölda skráðra leikmanna og starfsmanna við það sem gerist í alþjóðlegum handknattleik. Stjórn HSÍ samþykkti tillöguna á fundi sínum gær og hefur breytingin tekið gildi nú þegar.


Áfram verða að hámarki 14 leikmenn heimilaðir í hverju liði í yngri flokkum auk fjögurra starfsmanna.

- Auglýsing -

Nýjustu fréttir

- Auglýsing -