- Auglýsing -

Sextándi leikurinn án taps

Aðalsteinn Eyjólfsson, þjálfari Kadetten Schaffhausen, fagnar með lærisveinum sínum í kappleik. Mynd/Kadetten Schaffhausen

Aðalsteinn Eyjólfsson og lærisveinar hans í Kadetten Schaffhausen tókst að bjarga öðru stiginu gegn svissnesku meisturunum í Pfadi Winterthur á heimavelli í dag í svissnesku A-deildinni í handknattleik. Eftir æsilega lokamínútur, þar sem Kadetten lenti tvisvar sinnum tveimur mörkum undir, lauk leiknum með jafntefli, 30:30.


Kadetten er þar með áfram taplaust í deildinni eftir 16 leiki, 14 hafa unnist og tveir endað með jafntefli. Pfadi Winterthur er í öðru sæti sex stigum á eftir og hefur auk þess leikið einum leik meira.


Leikurinn í kvöld var sá fyrsti hjá Kadetten eftir nærri tveggja mánaða vetrarleyfi. Liðið byrjaði leikinn af krafti og skoraði fimm af fyrstu sex mörkunum. Eftir liðlega 20 mínútur var forskotið sex mörk, 12:6. Þá tóku leikmenn Pfadi að bíta frá. Aðeins var eins marks munur, 15:14, eftir fyrri hálfleik.


Síðari hálfleikur var spennandi. Undir lokin komst Pfadi Winterthur yfir, 29:27, og 30:28, áður en liðsmönnum Aðalsteins tókst að tryggja sér annað stigið og áframhaldandi yfirburðastöðu í efsta sæti í svissnesku A-deildinni.

- Auglýsing -
- Auglýsing -

Nýjustu fréttir

- Auglýsing -