Sigurgangan hélt áfram í Hróarskeldu

Sandra Erlingsdóttir leikmaður EH Aalborg. Mynd/EH Aalborg Support

Ekkert lát er á sigurgöngu Söndru Erlingsdóttur og samherja hennar í EH Aalborg í dönsku B-deildinni í handknattleik. Eftir tvíframlengdan bikarleik gegn úrvalsdeildarliði Silkeborg-Voel á föstudagskvöldið voru Sandra og stöllur hennar mættar til Hróarskeldu í dag hvar þær mætt Roskilde Håndbold í sannkölluðum toppslag. Hvorugt liðið hafði tapað leik þegar kom að viðureigninni í dag.

Skemmst er frá að segja að EH Aalborg vann leikinn með eins marks mun, 25:24. Heimaliðið var tveimur mörkum yfir í hálfleik, 10:8.

Sandra átti fyrirtaksleik. Hún stýrði sóknarleiknum eins og herforingi og skoraði auk þess tvö dýrmæt mörk. Þar á meðal kom hún EH Aalborg tveimur mörkum yfir, 24:22, þegar skammt var til leiksloka. Sigurmark Álaborgarliðsins var skorað 56 sekúndum fyrir leikslok.

Staðan í dönsku B-deildinni.

- Auglýsing -

Nýjustu fréttir

- Auglýsing -