Silfur í Ósló eftir dramatískan úrslitaleik

Reykjavíkurúrval stúlkna fæddar 2008 og 2009 sem fékk silfur á höfuðborgarleikunum í Ósló í morgun. Efri röð f.v.: Sigríður Unnur Jónsdóttir, þjálfari, Ásdís Styrmisdóttir, Þóra Lind Guðmundsdóttir, Sylvía Stefánsdóttir, Sigrún Erla Þórarinsdóttir, Anna Katrín Viggósdóttir. Neðri röð f.v. Silja Gunnarsdóttir, Hrafnhildur Markúsdóttir, Arna Sif Jónsdóttir, Ester Elísabet Guðbjartsdóttir, Laufey Helga Óskarsdóttir. Mynd/Aðsend

Reykjavíkurúrval stúlkna hafnaði í öðru sæti á borgarleikunum í handknattleik eftir naumt tap fyrir úrvalsliði Kaupmannahafnar í úrslitaleik í morgun, 21:20. Danska liðið komst einu sinni yfir í leiknum og það var með sigurmarkinu sem skorað var beint úr aukakasti eftir að leiktíminn var úti.


Svekkjandi tap en stelpurnar stóðu sig frábærlega á mótinu og mega svo sannarlega vera stoltar yfir árangrinum eftir þrjá stórsigra og naumt tap á mótinu. Þær hljóta þar með silfurverðlaun.


Lið Reykjavíkur spilaði frábærlega í fyrri hálfleik og voru fimm mörkum yfir, 12:7. Liðið náði ekki að byrja seinni hálfleikinn nógu vel og þær dönsku komust inn í hann svo úr varð mikill spennuleikur sem lauk á dramatískan hátt.


Arna Sif Jónsdóttir stóð sig vel í markinu að vanda.
Mörkin skoruðu: Silja Katrín Gunnardóttir 6, Laufey Helga Óskarsdóttir 5, Ester Elísabet Guðbjartsdóttir 3, Hrafnhildur Markúsdóttir 2, Sigrún Erla Þórarinsdóttir 2, Ásdís Styrmisdóttir 1, Sylvía Stefánsdóttir 1.


Mótinu lýkur með kvöldvöku í kvöld og síðan koma stelpurnar heim á morgun eftir frábæra daga í Ósló.

Reykjavík – Ósló, 17:14.

Reykjavík – Stokkhólmur, 26:13.

Reykjavík – Helsinki, 31:20.

Reykjavíkurliðið, sem er skipað stúlkum fæddum 2008 og 2009 og keppir ytra undir merkjum Handknattleiksráðs Reykjavíkur.

- Auglýsing -

Nýjustu fréttir

- Auglýsing -