Sjö marka sigur og vonin lifir góðu lífi

Íslenska landsliðið vann með sjö marka mun í dag. Mynd/Hafliðið Breiðfjörð

Íslenska landsliðið í handknattleik kvenna vann tyrkneska landsliðið örugglega með sjö marka mun, 29:22, í undankeppni Evrópumóts kvenna í handknattleik á Ásvöllum í dag að viðstöddum um 1.200 áhorfendum. Þar með var hefnt fyrir tapið í Kastomonu í fyrri viðureign liðanna. Um leið eygir íslenska landsliðið áfram möguleika að komast á Evrópumeistaramótið í handknattleik sem fram fer í nóvember.

Sunna Jónsdóttir var leiðtoginn í íslensku vörninni. Mynd/Hafliði Breiðfjörð


Þegar síðustu tvær umferðirnar eru eftir stendur íslenska liðið jafnt Serbum að stigum, fjögur hvort eftir fjóra leiki, en liðin mætast í lokaumferðinni 23. apríl. Áður leikur Ísland við Svíþjóð á heimavelli 20. apríl á sama tíma og Serbar sækja Tyrki heim.


Ísland var með yfirhöndina frá upphafi til enda í dag og náði mest átta marka forskoti, 12:4, eftir 20 mínútur í fyrri hálfleik. Að loknum fyrri hálfleik var sex marka munur, 15:9.

Lovísa Thompson skoraði fimm mörk í kvöld. Mynd/Hafliði Breiðfjörð


Tyrkjum tókst að minnka forskot Íslands niður í fjögur mörk. Nær komst það ekki. Íslenska liðið var ákveðið í að ljúka leiknum með bravúr og það tókst. Sjö marka góður sigur og vonin lifir áfram.


Mörk Íslands: Unnur Ómarsdóttir 7, Lovísa Thompson 5, Rut Arnfjörð Jónsdóttir 4, Þórey Rósa Stefánsdóttir 4, Sunna Jónsdóttir 2, Thea Imani Sturludóttir 2, Sandra Erlingsdóttir 2, Harpa Valey Gylfadóttir 1, Andrea Jacobsen 1, Hildigunnur Einarsdóttir 1.
Varin skot: Elín Jóna Þorsteinsdóttir 6, Hafdís Renötudóttir 5.

Mörk Tyrkja: Yasemin Sahin 8, Beyza Turkoglu 4, Nursah Sancak 2, Nurceren Akgun 2, Betul Yilmaz 2, Merve Ozbolluk 1, Cansu Akalin 1, Asli Iskit 1, Elif Aydin 1.
Varin skot: Merve Durdru 12, Sevilay Imamoglu Öcal 2.

Handbolti.is fylgdist með í stöðu- og textauppfærslu hér fyrir neðan.

- Auglýsing -

Nýjustu fréttir

- Auglýsing -