Sjö mörk Andreu nægðu ekki

Andrea Jacobsen handknattleikskona hjá Kristianstad í Svíþjóð. Mynd/Kristianstad Handboll

Andrea Jacobsen, landsliðskona í handknattleik, og stöllur hennar í Kristianstad féllu í kvöld úr leik í undanúrslitum sænsku bikarkeppninnar þrátt fyrir sigur, 32:31, á Skara HF í síðari undanúrslitaleik liðanna sem fram fór í Kristianstad.

Leikmenn Skara unnu í fyrri viðureigninni sem fram fór í byrjun nóvember með sex marka mun, 32:26, og fara þar með áfram og leika við Skuru í úrslitum bikarkeppninnar. Skuru lagði Sävehof í maraþonleik í síðustu viku er liðin mættust öðru sinni.

Andrea lék afar vel með Kristianstad í kvöld og var næst markahæst í liðinu með sjö mörk. Kristianstad var tveimur mörkum yfir, 18:16, að loknum fyrri hálfleik. Forskot Skara HF var of mikið eftir fyrri leikinn til þess að Andrea og félagar gætu unnið það upp að þessu sinni.

- Auglýsing -

Nýjustu fréttir

- Auglýsing -