- Auglýsing -
Sigvaldi Björn Guðjónsson skoraði sjö mörk, þar af eitt úr vítakasti, þegar Kolstad vann Fjellhammer með tíu marka mun, 35:25, í norsku úrvalsdeildinni í handknattleik í dag. Kolstad er eitt þriggja liða sem unnið hafa þrjá fyrstu leiki sína í úrvalsdeildinni. Hin eru Drammen og Runar Sandefjord.
Janus Daði Smárason skoraði eitt mark fyrir Kolstadliðið en átti hvorki fleiri né færri en sjö stoðsendingar.
Viktor Petersen Norberg skoraði sex mörk fyrir Drammen og Óskar Ólafsson tvö í öruggum sigri liðsins á Halden á útivelli, 30:18. Óskar gaf auk þess fjórar stoðsendingar og Viktor tvær.
Örn Vesteinsson Östenberg og félagar í Haslum unnu sinn fyrsta leik í norsku úrvalsdeildinni í dag þegar þeir lögðu Nærbø, 27:26, á heimavelli Nærbø sem varð sigurvegari í Evrópubikarkeppninni á liðnu vori. Örn hafði hægt um sig og lét nægja að skora einu sinni.
handbolti.is nýtur ekki opinbers rekstrarstuðnings.
- Auglýsing -
